نظام غذائي مرن بدون حرمان

 

ازاي تاكل اللي نفسك فيه وتخس 

نظام غذائي مرن بدون حرمان للاستمرار أكثر ونتائج أفضل 

مش بعرف التزم بالدايت ،  ببوظ نظام الاكل ونظامي الغذائي دايما ، مش بلاقي نتيجه مع اني ملتزمه طول الاسبوع  ، 

حرقي بطء و نزول الوزن ببطء بيخليني الحافز يقل واسيب الدايت ….. 

أول ما بسيب الدايت برجع أزيد بسرعه غريبه وممكن ازيد عن الوزن اللي بدات بيه اصلا ….

 

• كانت دي اكتر المشاكل اللي دايما العملاء بيقولها لينا في بدايه الاشتراك 

 

سألناهم نظامكم الاسبوعي كان عباره عن اي 

 

اغلبهم كان عندهم يعتمد على تقليل الاكل طول ايام الاسبوع وفي اخر الاسبوع بناخد يوم او يومين اوف عشان نقدر نواصل 

 

مثال ليوم

 

فطار	ثمرة فاكهة وكوب لبن
الغدا	سلطة خضراء  و صدر دجاج
العشا	علبة زبادي بعصير الليمون

 

دايما اخر الاسبوع سواء خميس والجمعه او الجمعه والسبت 

 

يومين الويك اند بيكون اكلها في اليوم الواحد عبارة عن ….

قطعة من السينابون وجبة برجر كبيرة وبعض شرائح البيتزا والشيبسي والكوكيز والشكولاه ولا ننسى الصودا بالتأكيد فهي المشروب المحبب مع هذه الوجبات 

كدا هيكون عندنا اربع او خمس ايام اسبوعيا لا يتعدى نظامها الغذائي ١٠٠٠ سعر حراري وهو ما لا يتعدي او يصل الى الحد الطبيعي الأقل في السعرات الحرارية 

وتكون نهاية اسبوعها ٤٥٠٠ سعر يوميا 

كما هو موضح بلصوره 

 

الخط الاحمر :- عبارة عن نظام غذائي معقد في اعلب ايام الاسبوع وفيه يوم او يومين راحه 

دراسة اتعملت ان الستات يستخدمون النظام دا اكتر من الرجاله بكتير  وبيلجوا ليه دايما اعتقاد منهم انوا هيحقق نتيجه …..

 

• دراسنا المشكله دي وطلعنا بنظام مثالي يخلينا نلتزم بالدايت دائما ونظام اكلنا يكون ممتع وبسيط وبيغطي احتياجنا 

يلي نشرح النظام دا ……

 

خلينا في الأسبوع بعض الوجبات اللذيذة وبنحبها اللي دائما نشتاق اليها :D ، و نلجأ إليها في اخر الاسبوع  زي البيتزا والبشاميل والكبسه والحلويات بس حددنا كميات الكارب والبروتين والدهون لاحتياج الجسم المطلوبة وخلينا نظامنا أسبوعي مثالي متنوع ومشبع جدا وصحي بنسبة ٨٠ في المية ويعطي نتائج عظيمة 

 

الجدول التالي يوضح نظام ليوم مثالي كامل الاحتياج ويجيب نتيجه ممتازه 

 

عن طريق اننا نخلي يومنا وحياتنا الصحية أكثر ليونة من الوجبات الصحية 

 

مثال لنظام المرونة
 

اليوم الاول	نظام غذائي ١٥٠٠ سعر حراري
فطار	وجبة شوفان باللبن والمكسرات وبعض الفاكهة  ٣٥٠ سعر
غدا	طاجن مكرونه بشاميل مع طبق سلطه ٤٥٠ ل ٥٠٠ سعر
العشاء	كوكيز الشوفان بالشوكولاته أو قطعة كيك موز صحيه ٣٥٠ سعر حراري
السناك الاول	ايس كريم فراوله او موز او مانجا او شوكولاته  [ مصنوعة بالمنزل ]١٥٠ سعر
السناك الثاني	كوب فشار بدون زيت ١٥٠ سعر

 

مهم جدا نظامك الغذائي اننا ننظم سعراتنا الحرارية من الدهون والكارب عشان نفضل ملتزمين طول الاسبوع الفكره كلها استمتعنا وكلنا كويس في وسط الاسبوع ومنزهش نجيب نتيجه عشان نستمر ويكون عندنا حافز اننا نكمل مش سيبنا نفسنا اخر الاسبوع او لليوم الفري 

 

• لازم  نخلي بالنا من سعراتنا ونعرف احتياجنا من السعرات وما يحتويه السعرات من بروتين ، دهون ، كارب دا نحدده  على أساس هدفنا اللي عايزين نوصل ليه 

 

كمثال :ـ

شخص بياخد ٢١٠٠ سعر حراري ـ ١٢٠ منهم  جرام بروتين على الأقل حد ادني ، إنما الكارب والدهون  هيقدر يحصل علي احتياجه بسهوله جداا ……نحافظ على سعراتنا من الدهون والكارب عشان نقدر نوفر عدد سعرات حراريه عشان نلاقي نتيجه تحفزنا اننا نستمر ... نفتكر دايما بس ان جرام من البروتين يساوي ٤ سعر حراري جرام الكارب ٤ سعر حراري وجرام الفات او الدهون ٩ سعر حراري …

• الخط الاصفر الموضح بالصوره بيوريكي ازاي ممكن تخلي اسبوعك فيه تنوع صحي بنسبه كبير محافظه كمان على معدل السعرات الحرارية يضمن لك نتيجة افضل ومستمرة من غير اي ثبات في الوزن وكمان مش هنحتاج لفري خالص 

اللي جاي دا مهم اوى عشان نلتزم بنظام غذائي لمدة طويلة :ـ

 

ــ خلي نظامك الغذائي مرن علي قد ما تقدري نظام الاكل بتاعك لازم يكون فيه ليونه ومرونه تخليكي تقدري تستمري عليه ليكون نظام حياة وتحقيق نتائج كمان انك تقدري تتصرفي وانتي برا ونلجأ لأقرب الحلول الصحية نجاح النظام الغذائي يحتاج انه يكون مناسب مع حياتك عشان تقدري تلتزم بيه وبلتالي نحقق نتيجه 

 

 

• مفيش حاجه سحريه للتخلص من الدهون الزائدة بس هتعلمك ان الالتزام بالاشياء البسيطة الغير معقدة هتلاقي نتايج أعظم 

 

• عقلنا لما بنعمل دايت قاسي او نظام صعب وندخل في حالة حرمان بيبدا يترجم اليوم الفري او الوجبه الفري انها اخر فرصه هناكل فيها الاكل اللي بنحبه فلازم ناخد اكتر اكل وكل الاكل قبل ما نرجع نتحرم تاني متخليش نظامك الغذائي يسيطر عليكي بالسالب ويكون مصدر ازعاج ليكي
   

في ابحاث ودراسات كتير اتعملت ع الأنظمة التي بها حرمان وجدوا أن الأشخاص المتبعين هذه الأنظمة إذا أتيحت لهم فرصة اكل الاطعمه المحرومين منها هياكلوا منها بنسبه اكبر من كتير من انه مجرد شخص بياكل اكل معتدل فهو في بعض الأحيان يلجأ إلى التذوق وليس النهم 

 

• الدراسات اثبتت ان الاشخاص ليسوا بحاجة لنظام غذائي معقد على قدر احتياجهم الى انهم يغيروا عاداتهم الغير صحية  ودا اللي بشتغل عليه مع اغلب العملاء ودا اللي هيخلي النتائج تستمر وتتقدم وتلاقي نتايج افضل
  الحياة الصحية والعادات الصحية النظام الغذائي الصعب هيخليكي تفقدي السيطرة
   

• مشاكل اليوم الفري او اليومين اللي ف اخر كل اسبوع انهم ممكن يبوظوا كل اللي عملتيه ف خلال الاسبوع وتكون زايده كمان اكتر  لو رقبتي كمان الناس اللي بتعمل كدا هتلاقي مراحل اليأس والإحباط عندهم أعلى لانهم مش بيلاقوا نتيجه ممكن تخليهم يستمروا مع الحرمان في اغلب الايام ودا يرجعنا لنقطة التوازن تاني
   

• من الأسباب برضوا لفشل الأنظمة الغذائية الصعبة انها ممكن تخلي الحرق عندك يقل ويضعف بسبب ان جسمك لا يحصل علي ما يحتاجه من مواد اولية للحرق … لما نحرم جسمنا من احتياجه ونيجي اخر الاسبوع ناكل اكل كتير وبنحبه جسمنا يخزن نسبة الدهون دي عنده 

    هل نقدر ناخد يوم فري في اخر الاسبوع او يوم فري كل اسبوع ؟؟

الاول لازم نحافظ على نسبة البروتين والثاني معدل السعرات بتاعتك تحسبها كويس وتوفر منها تزودها في يومك الفري او اليوم اللي فيه انك هتاكل برا مثلا  نخلي بالنا من عدد السعرات التي تفقدها في خلال الاسبوع ، وان ٧٠٠٠ سعر حراري عباره عن كيلو جرام واحد من الخسارة …...ممكن يحصل بطئ في نزول الوزن او عدم نزول الوزن لو متتحكمتيش في سعراتك

واخيرااااا  

لازم النظام الغذائي يكون بيخدم حياتنا واحتياجنا ويراعي النفسيه كمان عشان نقدر نلتزم بيه لازم يكون ممتع يخدم هدفك وبتمشي مع أسلوب حياتك ...  يكون فيه اعتدال في الأكل والوجبات اللي بتحبيها أيا كانت والتعود على العادات الصحيه السليمه لان العادات الصحيه هي التي تستمر معك طول الحياه ..
 

• البساطة والمرونة وعدم التعقيد سر نجاح اي نظام غذائي
   

• جربي النظام دا انا بستخدمه مع نفسي ومع اغلب متابعيني ولسا هستخدمه مع متابعين كتير نتايجه ممتازة جدا ومضمونة ...